«FES Youth Studies» — бұл Шығыс және Оңтүстік-Шығыс Еуропаның, Кавказдың және Орта Азияның көптеген елдерінде өткен халықаралық зерттеу жобасы. Бұл зерттеулердің негізгі мақсаты қазіргі қоғамдағы жастардың көзқарасы мен мінез-құлқын анықтау, сипаттау және талдау болды. Сауалнамалар 2019 жылдың мамыр-маусым айларында 14-29 жас аралығындағы 1500 респондент арасында жүргізілді. Білім беру, жұмыспен қамту, саяси өмірге қатысу, отбасылық қатынастар, бос уақыт және ақпараттық-коммуникациялық технологияларды пайдалану сияқты өмірдің түрлі салаларындағы жастардың тәжірибесі мен ұмтылыстары, сондай-ақ олардың құндылықтары, көзқарастары мен сенімдері сияқты кең ауқымды мәселелер қаралды. Қорытындылар орыс және ағылшын тілдерінде ұсынылған.