2022 жылғы 22 желтоқсанда Hilton Garden Inn Astana ғимаратында «Қоғамдық пікір» зерттеу институты «Орталық Азия елдерінен (Қазақстан, Қырғызстан, Өзбекстан) Оңтүстік Кореяға көші-қон процесін талдау: жай-күйі, құрылымы, стратегиясы» атты ғылыми семинар ұйымдастырды. Бұл семинар Korea Foundation (Корея қоры) гранттық қолдауымен «Қоғамдық пікір» зерттеу институты іске асырған халықаралық әлеуметтанулық жобаның нәтижелеріне арналды.

«Қоғамдық пікір» зерттеу институтының негізін қалаушы, жоба директоры, ғылыми кеңесшісі ә.ғ.к. Ботагөз Ислямқызы Рақышева модераторлық етті.

Семинар барысында Орталық Азия елдерінен Оңтүстік Кореяға көші-қон процесіне қатысты бірқатар маңызды мәселелер талқыланды. Семинарға Қазақстан мен Оңтүстік Кореяның академиялық саласының өкілдері, мемлекеттік құрылымдардың, талдау орталықтарының, халықаралық ұйымдардың өкілдері, тәуелсіз зерттеушілер, әлеуметтану, саясаттану, көші-қон, халықаралық қатынастар саласындағы сарапшылар қатысты. Атап айтқанда, спикерлер ретінде Ким Санчел, PhD, профессор-зерттеуші, Ханкук шет тілдер университетінің Орталық Азия институты, Әлжан Мади Ислямұлы, ҚР ЕХӘҚМ Көші-қон комитетінің Еңбек көші-қоны басқармасының басшысы, Ким Герман Николаевич, т.ғ.д., Әл-Фараби ҚазҰУ Азиялық зерттеулер институтының директоры сөз сөйледі, баяндама тақырыбы «Орталық Азиядан Оңтүстік Кореяға этникалық көші-қон» туралы болды, Мұстафина Лаура Ерболқызы, экономика магистрі, «Қоғамдық пікір» зерттеу институтының сарапшысы, баяндама тақырыбы «Орталық Азиядан Оңтүстік Кореяға еңбек және заңсыз көші-қон», Ем Наталья Борисовна, т.ғ.к., Әл-Фараби атындағы Қазақ ұлттық университеті қауымдастырылған профессор, Шығыстану факультетінің деканы, баяндама тақырыбы «Орталық Азиядан Оңтүстік Кореяға некелік көші-қон», Исакулов Шухрат Наркулович (Өзбекстан), э.ғ.к., көші-қон саласындағы зерттеуші, баяндама тақырыбы «Оңтүстік Кореяға еңбек көші-қоны, оралғаннан кейін мигранттардың қажеттілігі мен мұқтажы», Есімова Қаламқас Сауырбайқызы, антропология және этнология магистрі, «Қоғамдық пікір» зерттеу институтының әдіскер-талдаушысы, баяндама тақырыбы «Орталық Азиядан Оңтүстік Кореяға оқу көші-қоны».

Семинар аралас форматта өткізілді, 30-дан астам онлайн және офлайн қатысушылар қатысты.

2022 жылғы 14 желтоқсанда Ташкент қаласында «Еуразиялық монитор» - «ТМД аймағындағы еларалық әлеуметтанулық зерттеулердің проблемалары мен перспективасы» халықаралық зерттеу агенттіктері қауымдастығының конференциясы өтті, оған достастық елдерінен халықаралық әлеуметтанулық қоғамдастықтың көрнекті ғалымдары қатысты. Конференция жұмысына әлеуметтану магистрі, Институт директоры Гүлден Ашкенова және әлеуметтану магистрі, директордың орынбасары Айнұр Мажитова қатысты.

Толығырақ: https://ijtimoiyfikr.uz/ru/press-sentr/novosti/konstruktivnyj-dialog-sotsiologicheskogo-soobschestva-stran-sodruzhestva.htm

Шымкент, 2 желтоқсан 2022 ж. – жыл сайын 18 желтоқсанда атап өтілетін Халықаралық көші-қон күні қарсаңында, сондай-ақ Жаһандық көші-қон шартының (ЖКШ) міндеттеріне қол жеткізу бойынша БҰҰ желісінің мерзімді консультациялары шеңберінде, Көші-қон жөніндегі халықаралық ұйым (IOM) ҚР Президентінің жанындағы Мемлекеттік басқару академиясымен тығыз ынтымақтастықта БҰҰ-ның көші-қон жөніндегі агенттігі Шымкент қаласында Қазақстан Республикасындағы көші-қон ағындары мен көші-қон саясатына қатысты қысқаша шолу мен ұсынымдарға арналған дөңгелек үстел ұйымдастырды.

Отырысқа ХКҰ бенефициарлары, сондай-ақ ҚР Еңбек және халықты әлеуметтік қорғау министрлігі, ҚР Сыртқы істер министрлігі, Шымкент қаласының әкімдігі, ҚР Президенті жанындағы Адам құқықтары жөніндегі комиссия, сондай-ақ ҚР Ішкі істер министрлігі сияқты мемлекеттік биліктің негізгі органдарының серіктестері қатысты. Дөңгелек үстел барысында Еңбек және халықты әлеуметтік қорғау министрлігі ҚР Көші-қон саясатының 2023-2027 жылдарға арналған тұжырымдамасын таныстырды. «Қоғамдық пікір» зерттеу институты ҚР аумағындағы ауған әйелдері мен қыздарының қажеттіліктері мен осалдықтарын анықтау бойынша зерттеу қорытындыларын таныстырды. Зерттеу ағымдағы жылдың қараша айында «Сана Сезім» әйелдер бастамаларының құқықтық орталығы» қолдауымен өтті, ал IOM бенефициарларға Magnum желісінің азық-түлік сертификаттарын беру жөніндегі гуманитарлық акция барысында Ауғанстаннан келген мигранттардың осал топтарына және олардың Алматы мен Шымкенттегі отбасы мүшелерін қамтамасыз етті. IOM гуманитарлық акциясы 800-ден астам адамды, Ауғанстан азаматтарын қамтыды және 2022 жылғы тамызда өткен және Алматы, Шымкент, Астана, Қарағанды және Семей қалаларында 1200-ден астам адамды қамтыған IOM-ның алдыңғы гуманитарлық акция барысында қамтылмаған осал мигранттарды қолдауға арналған. Гуманитарлық акцияға Швейцарияның даму және ынтымақтастық агенттігі (SDC) қолдау көрсетті.

Дөңгелек үстел отырысы және одан кейінгі ұсынымдар 2022 жылға арналған ЖКШ қағидаттарын іске асыру жөніндегі келісілген тәсілде IOM және оның серіктестері – ҚР мемлекеттік билік органдарының күш-жігерін үйлестіруде аяқтаушы шара болды.  Кейінгі екі жыл ішінде БҰҰ көші-қон желісінің әлеуетін арттыру, сондай-ақ ЖКШ мәселелерінде Қазақстанға IOM көрсететін техникалық қолдау ҚР Үкіметінің қаржылық қолдауының арқасында мүмкін болды, бұл көші-қон туралы жаһандық шарттың қағидаттары мен міндеттерін орындаудағы Қазақстан Республикасының жалпымемлекеттік тәсілі мен міндеттемесін айғақтайды.

Дереккөз: https://kazakhstan.iom.int/ru/news/kruglyy-stol-dlya-obsuzhdeniya-klyuchevykh-sobytiy-i-vyzovov-v-migracionnoy-politike

2022 жылғы 10-13 қарашада Дубайда (БАӘ) сауалнама жүргізу саласындағы зерттеушілердің халықаралық кәсіби қауымдастығы — Дүниежүзілік қоғамдық пікірді зерттеу қауымдастығының (WAPOR) 75-ші жыл сайынғы конференциясы өтті.

Конференция әлемнің 57 елінен 250-ден астам зерттеушілерді жинады. Үш күндік конференцияда 45 сессия өтіп, кемінде 150 презентация жасалды.

Институт директоры Гүлден Ашкенова мен халықаралық жобалар жетекшісі Әсел Айжанова WAPOR/WAPOR Азия 13.4.2 Public Opinion Research in Central Asia бірлескен сессиясы шеңберінде «Түркібарометр: еларалық әлеуметтанулық зерттеу (Әзірбайжан, Қазақстан, Қырғызстан, Түрікменстан, Түркия, Өзбекстан): қалыптасу тарихы, әдіснамасы және нәтижелері» тақырыбында презентация өткізді.

Конференция туралы ақпарат: https://www.wapor2022.org/

2022 жылғы 8 қарашада ә.ғ.к., жобалар директоры Б.И. Ракишева мен директордың орынбасары А.Б. Мажитова Қазақстан Республикасы халқының әртүрлі топтарының Еуропалық Одақ (ЕО) қызметіне көзқарасын әлеуметтанулық зерттеудің тұсаукесеріне қатысты. Бұл зерттеуді Институт 2022 жылдың маусым-тамыз айларында ЕО-ның ҚР-дағы өкілдігінің тапсырысы бойынша жүргізді. Жобаны Б.И. Ракишева Еуропалық Одақтың Қазақстандағы, Астана қаласындағы өкілдігінің кеңсесінде ЕО-ның ҚР-дағы өкілдігі қызметкерлеріне, оның ішінде ЕО-ның ҚР-дағы өкілдігінің Саясат, баспасөз және ақпарат бөлімінің басшысы Мачей Мадалинскиге таныстырды.

2022 жылғы 26-28 қазанда Қазақстан кәрістерінің 85 жылдығына және Қазақстан Республикасы мен Корея Республикасы арасындағы дипломатиялық қатынастардың 30 жылдығына арналған «Жаһандану, трансұлттық және цифрландыру дәуіріндегі диаспорологияны дамыту перспективалары» атты халықаралық ғылыми конференция өтті.

Конференцияны ұйымдастырушылары: Әл-Фараби атындағы ҚазҰУ Азиялық зерттеулер институты, Конгжу ұлттық университетінің Шетелдік кәрістер мәдениеті институты, «Қоғамдық пікір» зерттеу институты және «Қазақстан – Корея» қоғамдық қоры.

Конференция аясында «Қоғамдық пікір» зерттеу институты қазақ диаспорасына арналған «1-секция: Диаспоралаудың тарихи және заманауи процестері: шетелдегі қазақтар» арнайы секция ұйымдастырды. «Қоғамдық пікір» зерттеу институты директорының орынбасары Айнур Мажитова секция модераторы қызметін атқарды. Секцияның басқа да қатысушылары: «Отандастар қоры» КЕАҚ Ақпараттық-талдау департаментінің басшысы Нұрхан Жалиев, Дүниежүзілік қазақтар қауымдастығының өкілі Омарәлі Әділбекұлы, «Қоғамдық пікір» зерттеу институтының талдаушы-әдіскері Қаламқас Есімова, Ресей ғылым академиясы Шығыстану институтының Корея және Моңғолия бөлімінің зерттеуші-лаборанты Борис Кушхов, Түркиядағы Улудаг университетінің докторанты, Моңғол ғылым академиясы (МҒА) Тарих, этнография институтының ғылыми қызметкері Шынарбек Сейітхан.

Толығырақ: https://www.kaznu.kz/ru/3/news/one/29344/

Конференция мен Пленарлық отырыс бейнежазбасы  

https://www.youtube.com/watch?v=9esXeDEiFLY

https://www.youtube.com/watch?v=rAKjw5CEpHk

2022 жылғы 25 қыркүйекте Халықаралық Түркі академиясы президентінің міндетін атқарушы Физули Маджидли Жапонияның Хоккайдо университеті жанындағы Славян-еуразиялық зерттеу орталығының өкілі, алаштанушы ғалым Томохико Уямамен кездесті. Сондай-ақ кездесуге "Қоғамдық пікір" зерттеу институты директорының орынбасары Айнұр Мәжитова мен Түркі академиясының аға сарапшысы Тимур Козырев қатысты.

Подробнее: https://twesco.org/post/1138

2022 жылғы 25 тамызда Институттың ғылыми кеңесшісі, жобалар жөніндегі директоры, ә.ғ.к. Ботагөз Ракишева Қазақстан Республикасының Грузиядағы Елшілігі ұйымдастырған, әлемдік және дәстүрлі діндер көшбасшыларының VII съезіне арналған «Бейбітшілік пен келісім жолындағы конфессияаралық диалог» атты халықаралық дөңгелек үстелге қатысты. Дөңгелек үстел онлайн форматта ұйымдастырылды.

Дөңгелек үстелде Б.И. Ракишева «Дін халықаралық салыстырмалы зерттеулерді көрсетудегі құндылық ретінде: World Values Survey, European Values Study» тақырыбында сөз сөйледі.

Толығырақ: https://religions-congress.org/ru/news/novosti/1609

2022 жылғы 1 шілдеде ә.ғ.к., ғылыми кеңесші, Институттың жобалар жөніндегі директоры Ботагөз Ракишева, директордың орынбасары Айнұр Мажитова және жобалар жетекшісі Әсел Айжанова Ресей Федерациясындағы қазақ диаспорасын зерттеудің алдын ала нәтижелерін талқылау бойынша семинарға қатысты (РФ-да тереңдетілген зерттеу және Көші-қон жөніндегі халықаралық ұйым ұйымдастырған ономастикалық зерттеу).

Семинарды өткізу барысында шақырылған мемлекеттік құрылымдардың мамандарымен бірлесіп зерттеуді одан әрі іске асыру және Қазақстан тарапының Ресей Федерациясының қазақтарымен өзара іс-қимылы бойынша ұсынымдар айқындалды.

Қосымша: https://www.facebook.com/iomcentralasia/posts/pfbid0ujJ8NjeoAwTxEqb9ERQDGskjMYxq7a2nWjapGvTUV5Q8sgtcx3RMQd2jDeXzqjWol

2022 жылғы 22-24 маусым аралығында Институт директоры Г.Т. Ашкенова және директордың орынбасары А.Б. Мажитова Орал қаласында жергілікті атқарушы органдардың мамандарына арналған дін саласындағы әлеуметтік зерттеулер бойынша семинар-тренингте дәріскер ретінде қатысты. Семинар «Конфессияаралық және өркениетаралық диалогты дамыту жөніндегі Н. Назарбаев орталығы» КЕАҚ қолдауымен ұйымдастырылды.

Семинардың негізгі мақсаты – өңірлерде дін саласындағы әлеуметтік зерттеулерді ұйымдастыру және жүргізу сапасын арттыру. Семинарға Ақтөбе, Атырау, Батыс Қазақстан, Маңғыстау облыстарының дін істері басқармалары мен ведомстволық бағынысты ұйымдардың дін мәселелерін зерделеу жөніндегі мамандары қатысты.